Ringkesan novel Patepung di Bandung karangan Taufik FaturohmanKondi teh budak lembur urang Pagerageung Tasikmalaya. Kulawargana hirup basajan. Bapana kungsi usaha jadi tukang potret, tukang baso tapi tuluy bangkrut sabab kadeseh ku batur. Bapana tuluy jadi tukang kuli bangunan di Jakarta tapi teu lila lantaran katarajang musibah ragrag ti luhur wangunan nepi ka nombrona teu bisa digawe nanaon. Pikeun nyumponan kabutuh sapopoena kapaksa parabot imahna dijualan.

Hiji waktu Kang Odong ditewak pulisi lantaran ngabongkar toko. Manehna dibui di kabupaten tuluy dipindahkeun ka Bandung. Kondi digawe di pabrik aci sanggeus bapana maot, manehna diajak digawe di Bandung ku Mang Mahmud dititah nungguan kios di Pasar Ciroyom. Basa geus aya di Bandung Si Kondi aya niat hayang neangan lanceukna Kang Odong. Bari diaanteur ku Mang Mahmud Si Kondi aprak-aprakan mapay raratan lanceukna.
Hiji waktu Si Kondi tepung jeung Asep Dodoyraja copet anu geus babalik pikir. Nya harita manehna tepung jeung lanceukna anu geus jadi jalma bener jadi bandar minyak anu ngider ka saban wewengkon. Si Kondi dititah cicing di lembur ngurus indungna bari nuluykeun deui sakola.​