Di liburan peré sakola ayeuna, abdi sakeluargi sareng rerencangan, angkat liburan warsih 2020 ka pantai pangandaran, nu aya di Ciamis, Jawa Barat. Saking atohna, abdi tos mimiti nyiapkeun sagala rupi persiapana ti wengi keneh sapertos acuk, kamera, kaemaman, sareng nu liana.

Abdi sakeluargi angkat nganggo mobil ti bandung kirang langkung tabuh 5 subuh, supados teu keuna macet sareng tereh dugi ka tempat nu dituju. Sabenerna mah abdi ngarasa tunduh keneh enjing eta téh, tapi abdi ngarasa atoh ogé lantaran ku hoyong-hoyongna nganjang ka pantai éta.

Sa’atos beberaha jam, ahirna abdi dugi ogé ka pantai pangandaran tabuh 8 enjing, abdi sakeluargi sareng rerencangan langsung baé ngampar samak di basisir pantai, dilajeungkeun sareng acara papaharé. Hehee! Rengsena papahare éta téh, abdi sareng rerencangan teras langsung baé ameng ka pantai pangandaran. Ti mimiti nyobian ngadamel istana tina pasir, maén bal, ngojay, sareng nu liana.

Sabab ombakna nu lumayan ageung, abdi jadi teu wani ngojay teubih-teubih ka pantai éta.Dugi teu karasa panon poé tos mulai turun, abdi calik sakedap sabari ningalikeun kaéndahan pantai dibarengan sareng tuang babarengan deui. Sawaktos tuang babarengan téh teu lila sakantenan abdi sakeluarga mulih deui ka bumi.

Penjelasan:

Kelas : SMP

Mata Pelajaran : Bahasa sunda

Kategori : Karya tulis Cerita pengalaman pribadi