Ibu: “Din, apa kowe wis sinau gawe ulangan sesuk?”

Dinda: “Sampun bu. Mbenjing ulanganipun wancinipun basa jawi”.

Ibu: “O ya, sinau sing temenan ya nduk”.

Dinda: “Nggih bu, niki kula nggih radi mboten paham, amargi daring. Dados materinipun mboten maksimal kula pahami sedaya”.

Ibu: “Iya, ibu weruh. Ya pancen ngono kuwi kok. Usume isih corona, sekolah isih durung oleh mlebu, dadi bisane ya mung daring kuwi”.

Dinda: “Nggih bu, sejatosipun, kula mboten remen sinau daring, tapi nggih pripun malih”.

Ibu: “Ya wis, muga-muga corona ndang cepet ilang, dadi bisa sekolah kaya biyasane maneh”.

Dinda: “Nggih bu, aamiin”.

Pembahasan

Pacelathon yaiku rembugan antara wong loro utawa luwih. Pacelathon bisa ditindakake dening sapa bae. Pacelathon nggunakake unggah-ungguhing basa miturut sapa sing diajak guneman.

♦ Basa ngoko lugu:

• Simbah marang putu.
• Wong tuwa marang wong enom/anak.
• Marang kanca sapantaran kang wis raket.
• lsp.

♦ Basa ngoko alus:

• Sadulur enom marang sadulur tuwa.
• Wong sapantaran kang diajeni.
• Ibu marang bapak kang wis kulina ngoko.
• lsp.

♦ Basa krama lugu:

• Wong sapantaran kang durung raket.
• Wong kang durung tau kenal.
• lsp.

♦ Basa krama alus:

• Wong enom marang wong tuwa.
• Marang wong sing dhuwur drajate.
• lsp.

Detail Jawaban

Kelas: Ⅱ SD

Mata Pelajaran: B. Daerah

Materi: Teks pacelathon lan unggah-ungguhing basa

Kode: 13