Pedanda Baka

Kacrita Kedis Cangak sane kabaos Pedanda Baka. Ipun duweg mrincikan daya, mangda sida memangsa saluwir ulame di telaga kumudane. Ring telaga punika akeh kocap wenten ulam, mawinan nyabran rahina I Kedis Cangak rawuh mrika ngrereh tetadahan. Ipun ngangge sarwa putih kadi Pinandita. Sesampun makudang kudang rahina nenten wenten ulam nampekin, Sang Cangak ngawitin mawinaya mapi Sadu, saha nenten malih memangsa ulam. Punika mawinan akeh ulame bengong ngantenang Sang Cangak matiosan saha purun mapitaken, napi mawinan Sang Cangak nenten malih mangsa soroh ulam, Sang Cangak mekenyir saha mapajar ring ulame, munguwing punika sami titah Hyang Embang. Miragiyang raos Sang Cangake kadi asapunika maka sami ulame kapiangen tur percaya mawinan purun nampekin Cangak. Selantur nyane ipun ngarosang ring para ulame. Munguwing sasih sane rawuh para Mendegane jagi ngrusak tlagene Saha ngejuk ulame sami. Sang Pedanda Baka maosang sanggup mapitulung, sinambi mapi mapi kangen. Dane maosang wenten tlaga sane singid tur becik pisan, punika mawinan para ulame magarang nagih mangda gelis kakisidang ka genahe punika. Kacrita sampun akeh ulam sane kakeberang, pamuput wenten I Yuyu sane maderbe wirasa tan percaya ring kabecikan manah I Cangak. Mangkin Yuyu polih galah kakeberang, saking baduwur I Yuyu akeh ngantenag tulang be ring duwur batune, riantuk gedeg basang ipune, raris kaakes baong Sang Cangak ngantos pegat mawinan ipun padem