Jawaban:

Kahiji, mangga urang ucapkeun sadaya puji ka gusti alloh anu parantos ngangkat harkat jeung derajat manusa sareng élmu jeung amal dina sadaya alam.

Shalawat sinareng salam mugia kalimpahkeun ka jungjungan urang saréréa nyaéta nabi muhammad saw, pamingpin umat manusa, katut ka keluargina sareng sohabatna anu ngajadikeun sumber élmu jeung hikmah.

Dewan juri, para guru, sareng réréncangan anu simkuring dipikahormat.

Dina raraga FESTIVAL PASANGGIRI SENI PIDATO SISWA ieu, simkuring badé sakedik ngababarkeun hiji perkawis ngenaan kana jasa-jasa saurang guru terutamina kanggo guru di sakola urang.

Sabab, urang téh tiasa nulis, tiasa lancar maos, ngitung, diajaran tatak rama, éta sadaya téh mantak hasil ku kagigihan saurang guru dina ngawulang sarta ngadidik urang para siswa-siswi sadaya.

Ku margi éta, pas pisan lamun ceunah dina biantara ieu simkuring ayeuna badé ngangkat topik biantara dina judul “guru nyaéta sosok pahlawan kuring.”

Hadirin sakantenan..

Moal aya saurang presiden lamun teu aya saurang guru, moal aya saurang dokter lamun teu aya saurang guru, sareng moal aya guru lamun teu aya saurang guru ogé.

Salajengna,

Kanggo janten saurang presiden urang kudu pinter, kanggo janten dokter urang kudu pinter, kanggo janten saurang guru urang kudu pinter.

Nah, kanggo janten pinter téh urang kudu sakola. Kunaon kudu sakola? Sabab didinnya aya saurang guru anu siap kanggo ngadidik urang, siap keur nganterkeun urang ngudag kana cita-cita.

Sadérék sakantenan anu ku simkuring di pikahormat!

Élmu nyaéta cahyana dina kahirupan. Kalawan élmu, urang janten terang kumaha carana ibadah ka Alloh, kalawan élmu, urang janten terang kumaha nyambung silaturahmi ka sasama jalmi.

Saha éta anu ngajarkeun sadaya élmu téh? Nyaéta anu ngajarkeun guru-guru urang, boh guru disakola atanapi guru agama masing-masing.

Syekh Az Zarnuji pernah ngadawuh yén “Guru parantos ngadeukeutkeun hiji perkawis anu jauh, sarta tiasa muka panto anu ka tutup.”

Para hadirin sadayana..

Anu ngajarkeun hiji hurup ogé kedah ku urang hormatan, komo deui lamun anu ngajarkeun urang loba élmu? Jadi jelas, kitu penting kacidana éta sosok guru téh dina kahirupan urang.

Réréncangan sadaya anu ku simkuring dipikahormat..

Guru parantos ngababarkeun seueur pahlawan hebat di bumi ieu. Mangka atos sakuduna urang nganjenan jasa guru-guru urang anu parantos masihan urang seueur élmu ku pangaweruhna, ngadidik urang ka arah kasaéan. Jadi, kanggo simkuring mah “Guru téh nya éta pahlawan.”

Hadirin sakalian, dewan, guru, sareng réréncangan anu ku simkuring pikahormat. Mung ngan sakitu baé anu tiasa ku simkuring dugikeun dina biantara singkat ngenaan kana jasa guru ieu.

Haturnuhun kana sagala perhatosan-nana, simkuring neda di hapunten tina sagala rupi kakirangana, boh dina cariosana boh dina materi anu ku simkuring dugikeun ieu.

Wassalamualaikum wr, wb.

Penjelasan:

cangkeul nulis