Sasakala Babakan JawaJaman baheula aya hiji karajaaan anu sugih mukti. Ari anu jadi rajana
katelah Raja Giri Layang. Dina prakna ngolah karajaaan, Raja Gini Layang
dibantuan ku adina, Putri Giri Larang. Duanana mingpin karajaan kalawan
wijaksana, rayatna répéh rapih tur sejahtera.
Dina hiji waktu, Putri Giri Larang ménta idin ka lanceukna pikeun
ngumbara nyiar pangabisa, nyuprih pangarti, tur nungtut elmu. Tangtu wae
Raja Giri Layang téh bungah pacampur jeung sedih. Bungah lantaran adina
aya karep rék nungtut élmu, ari sedihna lantaran bakal papisah jeung adi
nu sakitu dipikanyaahna.
Saméméh indit, Raja Giri Layang amanat ka adina sangkan indit ngetan
sarta ulah ngaliwatan wates karajaan. Geus kitu mah, Putri Giri Larang amitan
ka laceukna.
Gancangna carita, Putri Giri Larang téh miang sakumaha pituduh ti
lanceukna. Nyi Putri indit ka belah wétan, mapay-mapay jalan, gunung
kalarung, jungkrang kaliwatan, mipir-mipir pasir, mapay-mapay lebak. Sanggeus
mangbulan-bulan lumampah, Nyi Putri anjog ka leuweung geledegan. Waktu
rék ngaso handapeun tangkal, Nyi Putri manggihan talaga nu caina canembrang
hérang tur dikuriling ku taman nu kacida endahna Artikan kebahasa indonesia.​