Masyaghakat Lappung, semakkung kemeghdekaan Ghepublik Indonesia tanggal 17 Agustus 1945, gegeh jama umum ni seunyinni masyaghakat Indonesia, nutuk ngalami peghjuangan ngelawan Pemeghintah Kolonial Belanda, anjak masa zaman Kumpeni (VOC) sappai jama masa peghjuangan ngaghebut kemeghdekaan Negagha Kesatuan Ghepublik Indonesia. Dilom sejaghah peghjuangan ngusegh Penjajah Belanda anjak bumi peghtiwi sai gham geghingi, masyaghakat Lappung ghadu noghehko gelagh-gelagh pejuang sai tangguh ghik ulet pattang nyeghah yakdo Raden Intan II jadi Pahlawan Nasional. Penana munih dilom masa pegeghokan nasional sappai jama masa peghang Kemeghdekaan Republik Indonesia seunyinni pejuang daeghah Lappung tampil busaghu padu bujuang ngebila ghik mempeghtahanko kemeghdekaan Republik Indonesia. Sappai jama masa gatta Propinsi Lappung ghik masyaghakat Lappung senemon ngebangun ngisi kemeghdekaan Republik Indonesia guwai ngewujudko Negagha Indonesia sai busatu, adil ghik makmugh di bah lindungan ghik ghahmat Allah Ta'ala.tolong di artikan ke dalam bahasa indonesia​