Buatlah ringkasan dari cerita ini.KAEURAD KENUR

Geleber teup lima manuk plit téh eunteup dina paré nu geus ruhruy buateun. Da paré nu keur meuhpeuy konéng téh keur maranéhna mah éstu kadaharan nu kacida dipikaresepna. Memang mun paré keur meuhpouy konéng mah, di sawah téh sok réa manuk lain baé piit, tapi titiran jeung japati ogé aya.

Keur anteng maranéhna nyisilan siki paré, geleber haliber lantaran Rézel jeung Yumna ngalaliwat ka sisi sawah lebah dinya. Duanana curinghak sabab kadéngéeun ku maranéhna lebah dapuran pare aya sora cit-citan. Yumna nanya ka lanceukna.

"Sora naon éta nu cit-citan, A Rézel?" ceuk Yumna nanya. "Heeh. Kadéngéna mah ti dapuran paré beulah dinya, tah," ceuk Rézel bari ngarérét ka Yumna.

"Hayu urang téangan!"

"Nam. Ceuk Yumna. Tuluy duanana gancang turun, muru dapuran paré deukeut kokocoran. Bréh téh...enya wé aya anak manuk titiran keur cindeten bari cit-citan. Lebah sukuna aya kenur meulit. Katémbong teu walakaya lantaran kenur téh sabeulah kana suku beulah katuhu, sabeulah deui kana jangjangna.

"Euh aya anak manuk-titiran geuning, Yum!" "Enya...A, sukuna kaeurad ku kenur langlayangan sigana mah."

Anak titiran teh tuluy dicokot ku Rézél, dibawa ka imahna. "Deudeuh teuing, titiran... Kumaha pangna manéh kaeurad kieu?" Ceuk Rézel ngomong ka titiran. Tapi da puguh titiran mah teu bisa nyarita, pananya Rézel téh henteu dijawab ku titiran.

Datang ka imah, Rézel jeung Yumna tuluy nyokot péso jeung pipiti. Nyokot péso téh maksud keur ngeureut kenur tina suku manuk titiran. Ari pipiti rék dipaké wadah keur tempat cicingna titiran. Barang keur mawa peso jeung pipiti, mamahna Rézel ngagorowok.

*A Rézel, keur naon peso jeung pipiti?"

"Nambut sakedap Mah, kanggo ngeureut kenur "Naha aya kenur ti mana kitu?"

Ceuk Mamahna "leu mah dina suku manuk ttiran. Rézel ngajawab.

Rézel jeung Yumna diuk arandékak, nyanghareupan manuk titiran. Tuluy kenur anu meulit dina suku manuk titiran téh dikeureut ku Rézél. Manuk titiran téh ditangtungkeun dina pipiti nu geus dibilaman ku keretas koran, tapi teu bisaeun nangtung. Sigana sukuna masih titingkuheun kénéh urut kaeurad ku kenur langlayangan.

Suku manuk titiran téh diusapan ku Rézel bari ditiupan. Katempoeun ku manéhna yén suku manuk titiran téh rada geuneuk urut beulitan kenur téa. Sanggeus rada lila diusapan jeung ditiupan mah, manuk titiran téh rada bisaeun nangtung. Ngan nangtungna henteu, kedeprek deui bangun nu nyerieun kénéh. Rézel jeung Yumna karunyaeun pisan ningali kaayaan manuk

titiran kitu téh. Tuluy Rézel nitah Yumna nyokot cai atah keur nginum

manuk titiran. Jung Yumna nangtung, léos ka dapur, rék nyokot cal

tina keran, keur nginum manuk titiran. Manuk titiran téh diinuman ku Rézel. Katempona siga nu hanaangeun pisan. Sanggeus diinuman, manuk titiran katémbong rada jagjag. Teu kudu ditangtungkeun ogé, manuk titiran téh bisa nangtung sorangan. Samalah bisa leuleumpangan.

Nempo kaayaan manuk titiran kitu, jung Yumna nangtung. Tuluy indit ka pawon, maksudna mah rék nyokot béas keur parab manuk. Barang keur nyokot béas tina Cosmos, ku Mamahna digeunggeureuhkeun.

"Yumna, kanggo naon nyandak beas?" "Kanggo manuk titiran, Mah, karunya lapareun."

"Ulah seueur teuing, lebar bilih mubah." Ceuk Mamahna. "Henteu ieu gé, Mah, mung sacanggeum." Jawab Yumna bari ngaléos ka luar, muru ka lanceukna nu keur nungguan manuk titiran. Béas téh diawurkeun kana jero pipiti ku Yumna. Saeutik-saeutik

dipacokan ku manuk titiran. Lila-lila mah manuk titiran nyorokcok macokan béas. Katémbongna siga nu lapareun pisan. Rézel jeung Yumna aratoheun nempo manuk titiran jagjag deui.

"A Rezel, Mun manuk titiran geus jagjag pisan mah urang leupaskeun deui, nya, karungan?" Cek Yumna nanya ka lanceukna. "Entah, maksud A Rezel oge kitu. Ayeuna mah urang paraban heula sina nepi ka jagjag. Engke geus jagjag urang leupaskeun deui. Di dinya we urang simpen dina dahan tangkal jambu di hareupeun Imah." Ceuk Rezel binarung ku kanyaahna kana manuk.​