Jawaban:

Dina awalna mah kuring asa hoream kudu diajar basa Sunda anu bener tur merenah teh. Naon sababna?. Sababna kuring ngarasa yen dina basa Sunda mah asa loba teuing aturan anu kudu diperhatikeun. Ceunah ceuk beja mah dina basa Sunda teh kungsi aya nepi ka dalapan ragam basa. Tapi sanggeus kuring mimiti diajar basa Sunda anu bener tur merenah, kuring jadi nyaho sihoreng diajar basa Sunda teh matak pikaresepeun. Sihoreng basa Sunda teh henteu rumit-rumit teuing.

Dina basa Sunda kungsi aya nepi ka dalapan ragam basa, nyaeta genep ragam basa lemes jeung dua ragam basa loma atawa kasar. Kuayana ragam basa anu loba kitu, baheula mah loba jalma anu miboga anggapan yen dina nyarita basa Sunda teh kudu unggah-unggguh ngagunakeun eta dalapan ragam basa, malahan nepi ka ayeuna oge masih loba keneh nu miboga anggapan kitu. Kusabab kitu loba jalma, kaasup kuring, anu hoream jeung sieun salah umpamakudu nyarta basa Sunda teh.

Tapi kiwari mah geus sacara resmi ditangtukeun yen dina basa Sunda teh ngan saukur aya dua ragam basa, nyaeta anu disebut Ragam Basa Hormat / Lemes jeung Ragam Basa Loma. Kukituna, ayeuna mah diajar basa Sunda teh jadi leuwih saderhana, henteu sarumit saacanna. Katangtuan anu ngatur basa Sunda yeuna mah disebut Tatakrama Basa Sunda. Sedengkeun saacanna eta aturan teh disebutna Undak-usuk Basa Sunda. Ceunah ceuk beja, diobahna istilah Undak-usuk Basa Sunda jadi Tatakrama Basa Sunda teh sabab istilah Undak-usuk Basa Sunda teh miboga kesan anu leuwih "feodal" dibandingkeun jeung Tatakraman Basa Sunda.

Penjelasan:

jadikan jawaban tercerdas