Wacan kanggo soal nomer 1-5. Perang Baratayuda Prabu Abiyasa kang nata ing negara Astina kagungan putra kakung telu. Sing pembarep Dhestharasta, sing penghulu Pandhu, sing wuragil Yamawidura. Prabu Pandhu dhaup kaliyan Dewi Kunthi, peputra kakung telu: Puntadewa, Bima, lan Arjuna. Dene karo Dewi Madrim peputra kakung kembar Nakula lan Sadewa. Amarga putrane lima kakung kabeh mula diarani Pandhawa Lima. Dene Raden Destarastra dhaup kaliyan Dewi Gendari kagungan putra satus diarani sata kurawa. Tegese kurawa cacah satus, kakung 99 lan putri siji aran Dewi Dursilawati. Pambarepe aran Raden Jaka Pitana utawa Suyudana. Nomer loro Raden Pursasana, Raden Kartamarma, Raden Durmagati, lan sakpanunggalane. Bareng prabu Abiyasa wis sepuh, negara Astina dipasrahke marang putrane. Amarga Dhestarastra wuta, negara Astina banjur diparingake Raden Pandhu. Raden Pandhu jumeneng nata ing Astina ajejuluk Prabu Pandhu Dewanata. Prabu Pandhu jumeneng nata ora suwe jalaran isih timur uwis seda. Wektu iku putrane isih cilik-cilik. Mula negara Astina dititipke marang Dhestharasta. Nalika Raden Jaka Pitana ngancik dewasa, Dhestharasta masrahke negara Astina marang Raden Jaka Pitana. Suwening suwe paribasane uwis "ngemut legine gula", Prabu Jaka Pitana banjur lali menawa Astina iku hake Pandhawa. Nalika para Pandhawa uwis dewasa, arep njaluk bali negara Astina. Prabu Jaka Pitana lan para kurawa ngukuhi ora oleh. Wusana tansah udur, pepadon nganti akire dadi perang gedhe sing diarani Perang Baratayuda, tegese perang antarane turunane Prabu Barata. Perang Baratayuda mapan ing Tegal Kurusetra, suwene wolulas dina. Para Pandhawa bisa menang perang. Negara Astina kasil bali ing Pandhawa. Sabanjure sing jumeneng nata ing negara Astina, yaiku Prabu Parikesit putrane Raden Abimanyu.1. Putrane Prabu Abiyasa, yaiku ....

2. Apa sebabe Astina dititipke Prabu Destharastra nalika Prabu Pandu seda? Wangsulan:

3.Suwening suwe paribasane uwis "ngemut legine gula",
Prabu Jaka Pitana banjur la menawa Astina iku hake Pandhawa.
Tegese paribasan kasebut, yaiku ....

4.kepiye yen ta prabu Jaka pitana gelem menehke negara Astina marang Pandhawa?

5.Sapa sing menang lan kalah ing perang Baratayuda?​