Jawaban:

*DONGENG BAHASA SUNDA SI KABAYAN NGALA NANGKA

Si Kabayan dititah ngala nangka ku mitohana. "Nu kolot ngala nangka téh, Kabayan!" Ceuk mitohana. Kencling Si Kabayan ka kebon, nyorén bedog rék ngala nangka. Barang nepl ka kebon, Si Kabayan alak-ilik kana tangkal nangka. Manggih nu geus kolot hiji tur gedé pisan. Tuluy waé diala. Barang dipanggul kacida beuratna.

"Wah, moal kaduga yeuh mawana," pikir Si Kabayan téh. Tuluy wé nangka téh ku Si Kabayan dipalidkeun ka walungan. Jung waé balik ti heula, da geus kolot ieuh!" ceuk Si Kabayan téh nyarita ka nangka. Barang tepi ka imah, Si Kabayan ditanya ku mitohana. "Kabayan, meunang ngala nangka téh?"

"Komo wé meunang mah, nya gedé nya kolot" témbal Si Kabayan."Mana atuh ayeuna nangkana?" Mitohana nanya. "Har, naha can datang kitu? Apan tadi téh dipalidkeun dititah balik ti heula, ceuk Si Kabayan téh.

"Ari manéh, na mana bodo-bodo teuing. Moal enya nangka bisa balik sorangan!" Mitoha Si Kabayan keuheuleun pisan. "Wah nu bodo mah nangkana, kolot-kolot teu nyaho jalan balik," ceuk Si Kabayan bari ngagélo.

Penjelasan:

dongeng di luhur kaasup jenis dongeng parabél,

sabab dongeng di luhur nyaritakeun kahirupan jalma biasa atawa nu jadi peran dina eta carita teh mangrupa jalma biasa.

beda deui jeung fabél,

fabél nyaeta dongeng anu nyaritakeun kahirupan sasatoan.