Ngowahi ukara dadi ragam basa.

1. Saben dina minggu mas arya ndeleng balbalan menyang stadion.

→ Ngoko Alus = saben dina Minggu mas Arya mirsani bal balan menyang stadion.

→ Krama lugu = saben dinten Minggu mas Arya ningali bal balan wonten stadion.

→ Krama alus = saben dinten Minggu mas Arya mirsani bal balan wonten stadion.

2. Ibu mulih saka pasar jam 7 isuk.

→ Ngoko Alus = ibu kondur saka pasar jam pitu isuk.

→ Krama lugu = ibu wangsul saking peken jam pitu enjing

→ Krama alus = ibu kondur saking peken tabuh pitu enjing.

3. Kowe apa nggowo buku matematika.

→ Ngoko Alus = panjenengan apa ngasta buku matematika.

→ Krama lugu = sampeyan napa bektha buku matematika.

→ Krama alus = panjenengan punapa ngasta buku matematika.

4. Pak ridwan lunga menyang suroboyo isuk mau.

→ Ngoko Alus = pak Ridwan tindak menyang Surabaya isuk mau.

→ Krama lugu = pak Ridwan kesah ten Surabaya enjing wau.

→ Krama alus = pak Ridwan tindak dhateng Surabaya enjing kalawau.

5. Ibu ngongkon aku menyang kana.

→ Ngoko Alus = ibu ngutus kula menyang kana.

→ Krama lugu = ibu ngengken kula ten mrika.

→ Krama alus = ibu ngutus kula dhateng mrika.

__________________

Pembahasan

➢ Unggah ungguh basa kaperang dadi 2:

1. Basa Ngoko
2. Basa Krama

➢ Basa Ngoko kaperang ana 2, yaiku :

1. Basa Ngoko lugu

yaiku basa kang tembung tembunge nggunakake basa Ngoko lugu kabeh.

→ tuladha :

• bapak ora sida mulih
• ibu lunga menyang pasar

2. Basa Ngoko Alus

yaiku basa kang tembung tembunge nggunakake basa Ngoko lan basa Krama.

→ tuladha :

• bapak ora sida kondur
• ibu tindak menyang pasar

➢ Basa Krama uga kaperang dadi 2 :

1. Basa Krama lugu

yaiku basa kang tembung tembunge nggunakake basa Krama lugu lan basa Krama alus.

→ tuladha :

• bapak mboten siyos wangsul
• ibu kesah ten peken

2. Basa Krama alus

yaiku basa kang tembung tembunge nggunakake basa Krama alus Kabeh.

→ tuladha :

• bapak mboten siyos kondur
• ibu tindak dhateng peken

Detail jawaban

• Mapel : Bahasa daerah
• Kelas : 7
• Materi : Unggah ungguh basa
• Kode : 13