Ngowahi ukara dadi ragam basa.

1. Kowe mau apa wis adus?

→ Ngoko Alus : panjenengan mau apa wis siram?

→ Krama lugu : sampeyan wau napa sampun siram?

→ Krama alus : panjenengan kalawau punapa sampun siram?

2. Bapak turu ana ing ruang tamu.

→ Ngoko Alus : bapak sare ana ing ruang tamu.

→ Krama lugu : bapak tilem wonten ruang tamu.

→ Krama alus : bapak sare wonten ruang tamu.

3. Anake Pak Agus ana telu.

→ Ngoko Alus : putrane pak Agus ana telu.

→ Krama lugu : yogane pak Agus wonten tiga.

→ Krama alus : putranipun pak Agus wonten tiga.

4. Bu Shinta lunga menyang Surabaya.

→ Ngoko Alus : Bu Shinta tindak menyang Surabaya.

→ Krama lugu : Bu Shinta kesah ten Surabaya.

→ Krama alus : Bu Shinta tindak dhateng Surabaya.

5. Kowe lara apa?

→ Ngoko Alus : panjenengan gerah apa?

→ Krama lugu : sampeyan sakit napa?

→ Krama alus : panjenengan gerah punapa?

__________________

Pembahasan

Unggah ungguh basa kaperang ana 4 :

1. BASA NGOKO LUGU

yaiku basa kang tembung tembunge nggunakake basa Ngoko lugu kabeh.

→ Titikane :

• basane Ngoko kabeh
• ater ater lan panambange ora dikramakake

→ Tuladha :

• ibu tuku gula karo kopi
• bapak budal menyang sawah

2. BASA NGOKO ALUS

yaiku basa sing tembung tembunge nggunakake basa Ngoko lan basa Krama.

→ Titikane :

• tembunge Ngoko lan dicampur karo Krama
• sing dikramakake yaiku ; tembung perangene awak, sandhangan sarta kriyane = kata kerjane)
• ater ater lan panambange ora dikramakake

→ Tuladha :

• ibu mundhut gula karo kopi
• bapak bidal menyang sawah

3. BASA KRAMA LUGU

yaiku basa kang tembung tembunge nggunakake basa Krama lugu kabeh.

→ Titikane :

• basane Krama
• tembunge ora dicampur karo Krama Alus
• ater ater lan panambange dikramakake

→ Tuladha :

• ibu tumbas gendhis kaleh kopi
• bapak bidal ten sabin

4. BASA KRAMA ALUS/ INGGIL

yaiku basa sing tembung tembunge nggunakake basa Krama alus kabeh, tanpa kecampuran basa Ngoko. Dadi basane luwih alus lan luwih ngajeni.

→ Titikane :

• basane Krama Alus kabeh
• ater ater lan panambange dikramakake
• sing dikramakake yaiku : perangene awak, sandhangan lan kriya = kata kerjane)

→ Tuladha :

• ibu mundhut gendhis kaliyan kopi
• bapak bidal dhateng sabin

Detail jawaban

• Mapel : Bahasa daerah
• Kelas : 7
• Materi : Unggah ungguh basa
• Kode 13