Ngowahi ukara dadi basa Ngoko Alus.

Kowe sesuk di gawani opo saka pasar.

➡️ panjenengan sesuk dibethani apa saka pasar.

-----------------------------------

Pembahasan

Unggah ungguh basa iku kaperang ana 4 :

1. BASA NGOKO LUGU

yaiku basa kang tembung tembunge nggunakake basa Ngoko lugu kabeh.

→ Titikane :

• basane Ngoko kabeh
• ater ater lan panambange ora dikramakake

→ Panganggone :

• bocah sakpantaran
• wong tuwa marang anake
• guru karo muride
• pimpinan marang andhahane

→ Tuladha :

• bapak durung mulih
• kowe omahe ngendi?

2. BASA NGOKO ALUS

yaiku basa sing tembung tembunge nggunakake basa Ngoko lan basa Krama.

→ Titikane :

• tembunge Ngoko lan dicampur karo Krama
• sing dikramakake yaiku ; tembung perangene awak, sandhangan sarta kriyane = kata kerjane)
• ater ater lan panambange ora dikramakake

→ Panganggone :

• wong tuwa marang wong enom
• wong kang padha umure sing padha ngajeni
• ibu marang bapak sing kulino Ngoko
• wong sing suwe ora ketemu

→ Tuladha :

• bapak durung kondur
• panjenengan omahe ngendi?

3. BASA KRAMA LUGU

yaiku basa kang tembung tembunge nggunakake basa Krama lugu kabeh.

→ Titikane :

basane Krama

• tembunge ora dicampur karo Krama Alus
• ater ater lan panambange dikramakake

→ Panganggone :

• wong sing durung kulina
• wong tuwa marang wong enom sing durung kulina
• wong sing lagi ketemu nanging durung akrab

→ Tuladha :

• bapak dereng wangsul
• sampeyan griyane pundi?

4. BASA KRAMA ALUS/ INGGIL

yaiku basa sing tembung tembunge nggunakake basa Krama alus kabeh, tanpa kecampuran basa Ngoko. Dadi basane luwih alus lan luwih ngajeni.

→ Titikane :

• basane Krama Alus kabeh
• ater ater lan panambange dikramakake
• sing dikramakake yaiku : perangene awak, sandhangan lan kriya = kata kerjane)

→ Panganggone :

• wong tuwa marang anake
• andhahan marang pimpinan
• murid marang guru
• putu marang simbahe

→ Tuladha :

• bapak dereng kondur
• panjenengan dalemipun pundi?

Detail jawaban

• Mapel : Bahasa daerah
• Kelas : 7
• Materi : Unggah ungguh basa
• Kode 13