RESI JATAYUResi Jatayu salah sijining paraga ana ing crita Ramayana. Resi Jatayu iku manuk awujud garudha kang duweni watak wicaksana. Dheweke tansah eling marang sang Hyang Agung, mula banjur duweni jejuluk Resi. Resi Jatayu yakue anak sekang Resi Briswawa lan Dewi Brahmanistri. Dewi Brahmanistri yakue anak wadon sekang Dewa Brahma. Dadi, kena disimpulake yen Resi Jatayu kuwe wayahe Dewa Brahma.
Resi Jatayu duwe sedulur telu yaiku Garudha Harna, Garudha Brihawan, lan Garudha Sempati. Resi Jatayu nalika esih enom, kekancan raket banget karo Raja Ayodya Prabu Dasarata. Prabu Dasarata kuwe bapake Prabu Rama. Nalika Dewi Sinta digeret digawa mabur dening Rahwana, Resi Jatayu aweh pitulungan. Resi Jatayu nyamber tangane Rahwana. Resi Jatayu ora tega krungu tangise Dewi Sinta.
Pokoke Dewi Sinta kudu ucul sekang pancekele Rahwana. Ananging tangane Rahwana nggegengi kuat tangan Sinta. Sinta ora bisa uwal. Kabeh perhiasane padha gogrok tiba nang nglemah. Resi Jatayu kanthi sisa dayane nyerang Rahwana. Ananging tetep ora bisa. Dheweke malah diajar dening Prabu Rahwana. Resi Jatayu pungkasane swiwine sengkleh. Dheweke akhire tiba ana ing lemah. Nalika kuwe, Rama lan Lesmana bingung nggoleti Dewi Sinta sing ilang sekang kemahane. Rama lan Lesmana nggoleti ngubengi alas Dhandaka. Nalika nggoleti pungkasane ketemu manuk Jatayu sing lagi sekarat. Rama age-age nulungi.Ananging. kahanane Jatayu wis ora bisa ditulungi maneh. Resi Jatayu sadurunge nemahe seda, wadul/crita maring Rama. Jatayu nyritakakna menawa garwane yakuwe Dewi Sinta diculik dening Raja Alengka yakuwe Dasamuka. Banjur Resi Jatayu mati.





1. Paraga Sapa bae?
2. Sebutna sapa bae tokoh lan karakter/watak ing crita Ramayana Resi Jatayu?
3. Alur/Urutan Cerita?
4. Latar/Setting?
5. Tema?
6. Amanat?
7. Nilai pesan?​