Jawaban:

Sajak nyaeta salahsahiji karya sastra dina wangun ugeran atawa puisi. Sedengkeun puisi nyaeta salahsahiji karya sastra anu ungkarana dibatesan ku jumlah engang dina unggal padalisan, jumlah padalisan dina unggal pada, jeung jumlah pada dina unggal puisi, sanajan eta jumlah engang, jumlah padalisan jeung jumlah padana aya anu tangtu jeung aya oge anu henteu tangtu, gumantung kana rupa-rupa puisina.

Dina sastra Sunda, umapama ditilik tina wangun rumpakana, sajak mangrupa karya sastra dina wangun puisi anu henteu kaiket ku aturan, atawa wangun puisi anu henteu tangtu jumlah engangna dina unggal padalisanna, henteu tangtu jumlah padalisanna dina unggal padana sarta henteu tangtu jumlah padana.

Conto wangun puisi Sunda lianna anu henteu kaiket ku aturan, salian ti sajak, nyaeta saperti mantra, pupujian, jeung kawih. Sedengkeun conto wangun puisi anu kaiket ku aturan nyaeta saperti guguritan jeung wawacan. Guguritan jeung wawacan kaiket ku aturan anu aya dina pupuh. Aturan anu aya dina pupuh sok disebut guru lagu jeung guru wilangan. Jadi, sajak mangrupa wangun puisi anu henteu kaiket ku guru lagu jeung guru wilangan.

Sedengkeun umpama ditilik tina wangun eusina, aya dua rupa eusi puisi Sunda, nyaeta puisi anu eusina mangrupa carita jeung puisi anu eusina henteu mangrupa carita. Sajak mangrupa wangun puisi anu eusina hentau mangrupa carita. Conto wangun puisi Sunda lianna anu eusina henteu mangrupa carita, salian ti sajak, nyaeta saperti mantra, guguritan, pupujian, sisindiran jeung kawih. Sedengkeun conto puisi Sunda anu eusina mangrupa carita nyaeta saperti wawacan jeung carita pantun.

Penjelasan:

Semoga Membantu ngab