Narasi bisa dihartikeun carita. Karangan narasi

mangrupakeun karya sastra anu ditujukeun pikeun nyaritakeun kajadian atawa

pangalaman ti mimiti nepikeun ka ahirna. Penting diperhatikeun, sanajan narasi

mangrupakeun carita, tapi narasi nyaratikeun kajadian anu nyata atawa faktual,

lain carita rekaan atawa fiksi. Contoh narasi nyaeta biografi, carita kahirupan

sahiji jalma, ti mimiti dilahirkeun nepikeun ka mangsa kiwari, atawa nepikeun

ka maotna eta jalma.

Ciri-ciri karangan narasi di antaranya:

- Karangan narasi nonjolkeun naon anu dipigawe atawa

dipilampah ku jalma anu dicaritakeun.

- Karangan narasi nyaritakeun kajadian atawa pangalaman

numutkeun urutan waktu.

- Karangan narasi ditujukeun pikeun ngajentrekeun kajadian

anu sabenerna, lain mangrupakeun carita rekaan atawa fiksi.

- Karangan narasi biasana dibungbuan ku konflik, supaya

caritana leuwih hirup jeung ngabogaan daya tarik pikeun dibaca.

- Karangan narasi sakuduna mentingkeun oge kana kaendahan

basa, ngundang inspirasi pikuen anu maca.

Biografi atawa carita kahirupan pamingpin, saperti Soekarno,

Gus Dur atawa Habibie, bisa jadi conto karangan narasi.

Tahapan-tahapan nyiapkeun karangan narasi di antarana:

1. Nangtukeun tema sarta amanat anu arek ditepikuen.

2. Nangtukeun saha anu dijadikeun sasaran, saha anu rek

maca.

3. Nyiapkeun rancangan kajadian-kajadian utama anu arek

dicaritakeun.

4. Nangtukeun mana kajadian-kajadian anu arek ditempatkeun

di awal, di tengah, sarta di ahir.

5. Nyiapkan rincian carita salengkepna.

6. Nangtukeun saha bae anu bakal diasupkeun dina narasi,

kumaha watekna, di mana kajadian lumangsung, sarta “sudut pandang” carita (saha

anu nyaritakeun, naha pihak katilu atawa jalma anu dicaritakeun).

7. Merhatikeun aturan atawa kaidah karya tulis anu bener.