Wangsulan

✧ 1. cangkriman sing wujude wancahan (cekakan),

→ Wancah iku tegese cekak. Wancahan iku kudu dibatang kang disusun saka gatra kang ana.

—☆ Tuladhane :

1. Burnas Kopen = Bubur panas kokopen
2. Pakboletus = Tipak kebo lelene satus
3. Bot ginawa entheng, theng ginawa abot : klobot ginawa entheng, gentheng digawa abot
4. Kicak ketan: Kaki macak iket-iketan

✧ 2. cangkriman sing wujude pepindhan (irib-iriban),

→ Cangkriman kang awujud ukara kang memper kaya kanyatane.

—☆ Tuladhane :

1. Sega sakepel dirubung tinggi, batangane salak
2. Gajah nguntal sangkrah, batangane pawonan
3. Pitik walik saba kebon, batangane nanas
4. Ora mudhun-mudhun yen ora nggawa mrica sakanthong, batangane kates

✧ 3. cangkriman sing wujude plesetan (blenderan),lan

→ Cangkriman iki sejatine ukara pranyatan kang bisa gawe bingung yen macane salah.

—☆ Tuladhane :

1. Biru bisane dadi wungu dikapakake? (Digebuk)
2. Wong dodol klapa dikepruki. (Sing dikepruki klapane, dudu wonge)
3. Gajah numpak becak ketok apane? (Ketok mbujuke/ngapusine)
4. Wong wudunen kuwi sugih pari. (Paringisan)

✧ 4. cangkriman sing sinawung ing tembang.

→ Cangkriman sing kudu dibedhek, nanging lewat wujud tembang.

—☆ Tuladhane :

a) Bapak pocung tanpa untu darbe siyung.

Badanira panjang.

Tutukira pan pesagi.

Dina- dina pocung nedha buntutira. (Batangane = setut)

b) Bapak pocung isih enom klambi gadhung.

Yen wes rada tuwa.

Si pocung klambine kuning.

Tuwa pisan si pocung klambine abang. (Batangane = mlinjo)

c) Bapak pucung rodho papat bisa mbengung

Wujud kothak dawa

Nguntal barang sakabehing

Yen wes nggereng banjur lunga tanpa kandha. (Batangane = trek)

Penjelasan

☞ Cangkriman yaiku unen-unen sing kudu dibedhek utawa dibatang maksude. Mula saka iku, cangkriman uga diarani bedhekan utawa batangan. Cangkriman iku budaya kang adi luhung, mula kudu diuri-uri karepe lestari.

» DETAIL JAWABAN «

Mapel : Bahasa Jawa

Kelas : 6

Materi : Piwulang 4 - Cangkriman

Kata Kunci : Cangkriman lan tuladhane

Kode Soal : 13

Kode Kategorisasi : 6.13.4

-----------------------------

Semoga membantu.