1) Parikan yaiku unen – unen kang dumadi saka rong ukara. Ukara sepisanan kanggo narik kawigaten, lan ukara kapindho minangka isi.

Parikan iku kaya pantun nanging mung rong larik, parikan migunakake purwakanthi guru swara.

2) 1. Godhong kecipir mrambat kawat.

- Najan gak mampir nanging liwat.

2. Kembang jagung dipethik Cina.

- Barang wis kadung arep dikapakna.

3. Manuk emprit menclok godhong tebu.

- Dadi murid sing sregep sinau.

4. Manuk kutut manggunge ngganter.

- Yen ra nurut isa keblinger.

5. Bayem rine ketan pulukane.

- Ayem atine keturutan kekarepane

3) 1. Esuk nyuling sore nyuling,

Sulinge arek Suroboyo.

Esuk eling sore eling,

Sing dielingi ora rumongso.

2. Yen kembang kembange kacang,

dudu kembange puspa nyidra.

Sih cilik dikudang-kudang,

bareng gedhe gawe rekasa.

3. Awan-awan aja keluyuran,

ana pak mantri numpak sekuter.

Kapan-kapan aku keturutan,

duwe kanca sinaune pinter.

4. Esuk nembang sore nembang,

tembange asmaradana.

Esuk ngadhang sore ngadhang,

sing diadhang ra teka-teka.

5. Omah gentheng saponono,

cagak pilar kapuren putih.

Abot entheng lakonono,

ati susah bakale pulih