Penjelasan:

Desa Bedulu miwah Pejeng

Desa Bedulu miwah Pejeng megenah ring Kabupaten Gianyar, ring pantaraning kalih tukad, inggih punika : Tukad Pakerisan ring sisi Kangin miwah Tukad Petanu ring sisi Kauh. Makakalih desane puniki akeh maderbe sekaya marupa situs-situs peninggalan sejarah lan purbakala, nika mawinan wenten panarka saking para sujanane, wantah Desa Bedulu miwah Pejeng duke riyin masa Bali Kuna, pinaka puser Keraton sane mabuat pisan ring Bali. Indike asapunika kabuktiyang antuk kapanghihin pura puser kerajaan Bali sane mawasta Pura Penataran Sasih miwah Pura Pusering Jagat, lan pinaka pura gunung nyane inggih punika Pura Bukit Panulisan sane magenah ring Kintamani wewidangan Kabupaten Bangli.

Asapunika manut orti tradisional marupa lontar, sane mamurda Usana Bali, nyinahang wantah Raja Sri Tapolung minab pateh sareng Raja Sri Asta Sura Ratna Bumi Banten, sane malinggih ring Keraton Bedaulu, tur raja puniki sane kakaonang olih Mahapatih Gajahmada saking Majapahit. Punika mawinan sangsaya, J C, Krisman, sujana saking Welanda, ngruruh genah jagi Kantor Peninggalan Sejarah lan Purbakala, sane mangkin mawasta Kantor Swaka Sejarah lan Purbakala Papeninggalan Nasional, sane magenah ring pantaraning Desa Pejeng lan Bedulu. Wangun wangun peninggalan Sejarah ring kalih desa punika akakehan marupa rusa sane ring jeron nyane akeh kari ketami tur kasimpen peninggalan peninggalan purbakala sekadi arca kuna. Makudang kudang peninggalan siyosan sane marupa pura sekadi : Pura Gua Gajah, Pura Yeh Pulu, Pura Samuan Tiga, Pura Pusering Jagat, Pura Penataran Sasih, miwah pura sane liyanan.

Dumogi wenten pikenohnyane lan nenten iwang

Semoga ada manfaatnya dan tidak keliru

Mohon koreksi jika ada yang salah