Wangsulan

Gombal mori putih seng didadekake geber ing pagelaran wayang kulit nggambarake. . .

➡️ Nggambarake jagad, langit, utawa angkasa.

Penjelasan

• Ana ing pagelaran wayang, piranti kang digunakake yaiku :

1. Kelir → Mori, kain putih kang didadekake geber. Kelir iki nggambarake jagad, papan panggonan dumadine crita utawa lakon. Nonton wayang kulit iku dhek jaman biyen ing saburine kelir kang kesorotan blencong.

2. Cempala → Digawe saka kayu, dithuthukake ing kothak dening Ki Dhalang. Cempala diarani uga keprak. Gunane akeh banget. Ki Dhalang menehi ada-ada utawa pratandha kanthi cempala.

3. Gedebog → Gunane kanggo nancepake wayang. Ana wayang kang ditata ing kiwa lan tengen, jenenge simpingan. Ana wayang sing bakal diobahake, dicritakake Ki Dhalang.

4. Wayang kulit → Wayang kang digawe saka kulit. Wayang iki kang dadi paraga ing lakon. Wayang kulit lumrahe digawe saka kulit sapi.

5. Blencong → Lampu, pepadhang kang madhangi kelir. Ayang-ayange wayang kang diobahake Ki Dhalang, kang ndadekake pagelaran wayang kulit iku narik ati lan nggumunake. Sebab bisa kaya urip lan memper karo lelakone manungsa ing donya iki.

6. Kepyak → Wujud wilahan tipis, cacahe 3-4 lapis. Gunane meh padha karo cempala, mung swarane kang beda. Unine kepyak iku krana dijejeg Ki Dhalang, bisa uga amarga dithuthuk nganggo cempala.

7. Gamelan → Kanggo ngiringi pagelaran wayang.

8. Kothak → Wadhah wayang lan kanggo dithuthuk cempala.

» DETAIL JAWABAN «

Mapel : Bahasa Jawa

Kelas : 5

Materi : Piwulang 7 - Kabudhayan Jawa

Kata Kunci : Pagelaran wayang, gombal mori putih

Kode Soal : 13

Kode Kategorisasi : 5.13.7

-----------------------------

Semoga membantu.