Tembung lingga bisa owah dadi tembung andhahan kanthi cara diwenehi wuwuhan (imbuhan), dirangkep, lan dicambor. a. Wuwuhan Wuwuhan kaperang dadi telu, yaiku:

(1) Ater-ater (Awalan) Ater-ater yaiku wuwuhan sing manggone ana ing sangarepe tembung. Ater-ater iku sabenere ana akeh maceme, ning ing kene mung dirembug sing kerep digunakake kaya dene ater-ater anuswara (n-, m-, ng-, ny-), ater-ater tripurusa (dak-, ko-, di-), ka-, sa-, lan pi-.

(2) Seselan (Sisipan) Seselan yaiku wuwuhan sing manggon ing tengahe tembung. Seselan iku ana papat ing antarane yaiku -in-, -um-, -er-, lan-el

(3) Panambang (Akhiran) Panambang yaiku wuwuhan sing manggon ana ing mburine tembung. Panambang iku sabenere ana akeh maceme, ning ing kene mung dirembug sing kerep digunakake kaya dene -ku, -mu, -e, -an, -i, -a, -na, -ana, -en, lan -ake.