Wangsulan

1. Wis kebak sundukane.

➡️ E. Wong kang wis akeh banget kaluputane.

2. Kocak tandha lokak.

➡️ G. Wong akeh omonge pertanda durunge akeh ngelmune.

3. Ngregem kemarung.

➡️ F. Momong wong kang angel banget aten-atenane, kang uga uga gawe cilakane wong kang momong.

4. Nututi layangan pedhot.

➡️ J. Nggoleki barang sepele kang ilang sing ora cucuk karo rekasane.

5. Kerot tanpa untu.

➡️ L. Darbe panjangka nanging ora duwe srana.

6. Madu balung tanpa isi.

➡️ N. Padudon kang mung marga barang sepele.

7. Ngubak-ubak banyu bening.

➡️ O. Gawe kisruh ing panggonan kang tentrem.

8. Emban cindhe emban siladan.

➡️ K. Mbedak-mbedakake.

9. Dikena iwake aja nganti buthek banyune.

➡️ M. Kang dikarepake bisa kasembadan nanging ora nganti gawe kisruh.

10. Katon cepaka sawakul.

➡️ H. Disenengi wong akeh.

11. Dudu berase ditempurake.

➡️ I. Urun rembug nanging ora pas karo kang lagi dirembug.

12. Durung kebak keselak jujul.

➡️ C. Durung akeh kawruhe kesusu arep mamerake.

13. Nyeret pring saka pucuk.

➡️ A. Pegawean kang sejatine gampang dadi angel amarga kleru carane garap.

14. Adol lenga kari busik.

➡️ D. Dundum nanging awake dhewe malah ora komanan.

15. Lam-be satumang kari samerang.

➡️ B. Olehe nuturi wis bola-bali, nanging sing dituturi ora gelem nggugu.

Penjelasan

☞ Bebasan

» Unen-unen sing ajeg panganggone, duwe teges pepindhan, sing dipindhakake utawa dibandhingake kahanan lan ulah-kridhane manungsa.

—☆ Tuladha :

1. Nglungguhi klasa gumelar.

✧Tegese : mung kari nemu penake.

2. Suduk gunting tatu loro

✧Tegese : tumindak ora bener pisan, njalari kapitunan (kerugian) rong werna.

3. Nututi layangan pedhot.

✧Tegese : mburu barang sepele sing asile ora sumbut karo rekasane.

» DETAIL JAWABAN «

Mapel : Bahasa Jawa

Kelas : 8

Materi : Piwulang 2 - Unen-unen jawa

Kata Kunci : bebasan

Kode Soal : 13

Kode Kategorisasi : 8.13.2

-----------------------------

Semoga membantu.