Jawaban:

Wacanen aksara jawa ing pacelathon:

Werkudara

Werkudara iku putranè Pandhu Dèwanata lan Deri Kunthi . Werkudara iki titisanè Bathara Bayu. Awit putra angka loro, mula Werkudara uga sinebut putra panenggaking Pandhawa. Sesebutan liyanè Bratasèna, Bimasèna, Aryasèna, Bayusiwi, Jagal Abilawa, Kusumadhilaga, Jayalaga.

Kacarita lairè Bratasèna. Nalika bayi lair awujud bungkus, kabèh gegaman ora tumama. Kang bisa mbedhah bungkus mung Gajah Sèna. Bareng wis bedhah, bayi diidak idak ditlalo, digadhang malah saya gedhè. Gajah Sèna ditamani kuku pancanaka, mati sanalika. Sukmanè nyawiji karo Bratasèna.

Bratasèna utawa Werkudara iku ora bisa basa marang sapa waè. Dadi yèn micara tansah ngoko. Sing di basani mung Sang Hyang Wenang lan Dèwa Ruci. Najan mangkono Werkudara duwè watak setya tuhu marang guru, bekti marang ibu, tegah ing janji, bèla bebener, mbrastha angkara, dhemen tetulung, adil.

___________________

Penjelasan:

Panulisan aksara jawa ing pacelathon ana tembung sing migunakake aksara murda. Aksara iki kalebu salah sijining wernane aksara jawa liyane. Aksara Murda yaiku minangaka aksara khusus ing aksara Jawa lan nduweni fungsi kaya aksara gedhe. Aksara iki mung digunakake kanggo nulis jeneng wong penting lan panggonan/wilayah sing misuwur.

Cacahe aksara murda iki ana8 (wolu), antarane;

• Na ꦟ, Ka ꦑ, Ta ꦡ, Sa ꦯ
• Pa ꦦ, Nya ꦘ, Ga ꦓ, Ba ꦨ