Wus tinarbuka wiwaraning sasana busana, kumenyar asung prabawa, kentar-kentar angambar kongas gandanira, sumirat teja maya-maya, saya dangu saya milangoni, saya cerak saya angranuhi, sanyata tejane sang pinanganten mijil saking panti busana arsa mahas ing sasana wiwaha. Gyat kang samya humiyat….. Wit pasemone sang pinanganten ngrasuk busana kasatriyan kang sarwa endah, katingal gagah pideksa myang gandhes luwes apindha wong agung ing Ngeksi Ganda duk ing uni. Dhasar satriya pekik ing warni ngagem busana kang sarwi mubyar, pating calorot pating galebyar sunare pepindha kartika kang asesilih prenah, sang dyah ayu tumungkul semu mesem ing wardaya rinengga ing sesotya maneka warna. Penganten kakung wus ngrasuk busana satriya, sangsaya angenguwung prabane, sangsaya mencorong guwayane, sangsaya manteb penggalihe, cinandra kadi bagus Danang Sutowijaya atmajanira Ki Gedhe Pamanahan, akekanthen asta kaliyan Rara Dewi Semangkin atmajanira Sri Sultan Drowo ing Kalinyamat.Tindakipun penganten sarimbit sami atut runtut reruntungan, sih kinasihan gegandhengan asta, mratandhani bilih kekalihipun sampun sami mangun sedya, badhe tansah sesarengan pindha mimi lan mintuna ngantos kaken-kaken lan ninen-ninen saking donya padha dumugya delahan. Sumusul ingkang munggwing wuntat, punika rama ibunipun memayungi lampahing penganten sarimbit. Panjenenganipun bapak…......saha...…sarimbit minangka pini sepuh penganten kekalih, katingal kekembeng waspa, nanging sanes waspa dhukita, namung kabekta saking raos bombonging manah linandhesan puji syukur mring Gusti ingkang akarya jagad, awit sampun karoban ing sih nugraha mila saget anjenengi pawiwahan ing kalenggahan punika. Sang subamanggala minangka pangarsaning kirab, sakedhap-sakedhap tumoleh atur tengara dhumateng kang nedheng kirab, tan prabeda myang para-para kirab, para pinisepuh para tamu kang kebak ing suka bagya, katingal konjem lenggah semu mesem. Kawistara lamun kalegan ing sedya, pramila ing batos tansah paring puji dunga pudyastawa mrih penganten kekalih tansah.Sebukan opo wae tembung tembung ing duwur