Ngowahi ukara miturut unggah ungguh basa.

1. Aku lunga sekolah jam nem esuk.

➡️ Kula bidhal sekolah jam enem enjing.

2. Adhiku lagi turu ing kamar.

➡️ adhik kula saweg tilem wonten kamar.

3. Dhik Nisa tuku klambi wernane abang.

➡️ Dhik Nisa tumbas rasukan wernane abrit.

4. Dhik Budi mulih saka Jakarta numpak sepur.

➡️ Dhik Budi wangsul saking Jakarta nitih sepur.

5. Aku lan kancaku duwe kudhung anyar.

➡️ Kula kaleh rencang kula gadhah kudhung enggal

6. Simbah lagi turu jam 5 sore.

➡️ Simbah nembe sare tabuh gangsal (5) sonten.

7. Bapak tuku sega goreng ing warung cedhak sawah.

➡️ bapak mundhut sekul goreng dhateng wonde celakipun sabin.

8. Ibu tuku gula lan endog ing pasar kliwon.

➡️ Ibu mundhut gendhis kaliyan tigan wonten peken Kliwon

9. Mbkku numpak motor tekan kulon kali.

➡️ Mbak kula nitih motor ngantos kilen lepen.

10. Budheku duwe mobil anyar wernane putih lan ireng.

➡️ Budhe kula kagungan mobil enggal wernanipun pethak kaliyan cemeng.

__________________

Pembahasan

➢ Unggah ungguh basa kaperang dadi 2:

1. Basa Ngoko
2. Basa Krama

➢ Basa Ngoko kaperang ana 2, yaiku :

1. Basa Ngoko lugu

yaiku basa kang tembung tembunge nggunakake basa Ngoko lugu kabeh.

→ tuladha :

• bapak ora sida mulih
• ibu lunga menyang pasar

2. Basa Ngoko Alus

yaiku basa kang tembung tembunge nggunakake basa Ngoko lan basa Krama.

→ tuladha :

• bapak ora sida kondur
• ibu tindak menyang pasar

➢ Basa Krama uga kaperang dadi 2 :

1. Basa Krama lugu

yaiku basa kang tembung tembunge nggunakake basa Krama lugu lan basa Krama alus.

→ tuladha :

• bapak mboten siyos wangsul
• ibu kesah ten peken

2. Basa Krama alus

yaiku basa kang tembung tembunge nggunakake basa Krama alus Kabeh.

→ tuladha :

• bapak mboten siyos kondur
• ibu tindak dhateng peken

Detail jawaban

• Mapel : Bahasa daerah
• Kelas : 7
• Materi : Unggah ungguh basa
• Kode : 13