berasal dari kata dapat diartiker Kepenyimbangan beasal anjak kata "simbang" retteino "tutukan/ngelajeuken" dapek munih diretteiken "giliran/gattiyan", jamo wat sai ngeretteiken "keseimbangan" yakni kesimbangan antaro kewibawaan jamo keikhlasan pemippin. Kepenyimbangan yolah suateu sistem kekerabatan atau keluppuk sai dipippin jamo Penyimbang (pengating kekuasaan pippinan/ketuwa) lem masyarakat adat Lampung anjak dasar hubungan ghah (klan). Kepenyimbangan besifat patrilinial (jurai anjak pihak bapak) jamo netepken anak ragah sai tuho beasal anjak keluarga batih (inti) sebagai ahlei waris kejengan bapak lem keadatan tigeh kejengan tuho lem miyanakan. Nayah margo sai wat di Provinsi Lampung jamo masing-masing ngemik penyimbang sai makko kaitan jamo penyimbang anjak mergo baghih. Lem masyarakat Lampung, kepenyimbangan suateu mergo, mak belakeu bagi mergo baghih. Suateu kepenyimbangan dapek terdiri anjak sekeluppuk masyarakat atau bedasarken anjak tikkatan atau kejengan Penyimbang ino. Sai dimaksud jamo Penyimbang yolah pemippin/rajo atau sai dituhoken atau dihurmatei. Anying lem hal ijo, penyimbang sumang maknano jamo kepemippinan rajo lem suateu kerajoan sebab penyimbang makko kewenangan wilayah, ngatur keuangan rakyatno, ngakuk pajak dsb. Di lem sistem masyarakat adat Lampung Pepadun mak ngenal sistern kerajoan, kepemippinan penyimbang lebih tejurus ngatur/ngebina adek likkungan kekerabatanno.​