Jawaban:

Ida Bagawan Sidimantra sarahina ngicenin okane piteket indik susila ning budi. Ring ajeng Ida Bagawan okane Bhakti alep, nanging sujatin ipun Ida oneng tur seneng ring parindikan memotoh sekadi metajen, dadu, lan sane liyanan. Ida ngawinang Ida akeh maduwe utang ring l mlandang tajen. Manik Angkeran raris tan prasida naur utang idane, raris i mlandang tajen sane ngrereh ke pasraman Ida Bagawan Sidimantra. Yadiastun arta brana Ida ngantos telas kanggen ngulurin indrya okane. Santukan okane wantah adiri Ida kayun naur utang okane. Duk punika Ida eling maduwe sawitra ring Gunung Agung sane maraga Sang Naga Basukih. Pramangkin Ida Bagawan lunga mrika. Sarauhe ring Gunung Agung Ida nguncarang Weda mantra kasarengin antuk swaran bajran Ida sana ngrincing. Sang Naga Basukih raris medal, irika Ida Bagawan nunas ring Naga Basukih mangda ngicenin Arta brana anggen naur utang okane ring i mlandang tajen. Sasampune kaicen jinah lan sasocan, Ida Bagawan mewali ke Blambangan naur utang I Manik Angkeran, tur mapiteket mangda nenten mamotoh malih. Indike punika nenten ngawinang Manik Angkeran kapok. Ida mamotoh malih kantos maduwe utang ring i mlandang tajen. Ida Bagawan malih karereh olih I mlandang jagi nunas utang okane, irika malih Ida lunga ke sawitran idane ring Gunung Agung nunas sarwa brana kanggen naur utang. Irika Sang Naga Basukih ngandika ring Ida Bagawan, Tiyang nyidang nulungin jani dogen, raris Ida Naga Basukih macelep ke guane. Kayune kosekan, Ida Bagawan Sidimantra mawali mantuk jagi naur utangne Manik Angkeran, tur ngandika, Cening Manik Angkeran ne pitulung bapa sane kaping untat, yan buin I Dewa memotoh bapa tusing lakar nyidayang mayahin utang ceninge buin.

Manik Angkeran nenten nuwutin sapangandikan ajine. Ida malih mamotoh kantos maduwe utang akeh, saking takutne ka rereh olih I mlandang tajen irika Manik Angkeran mlaibang bajran ajine ke Gunung Agung. Ring Gunung Agung bajrane kaswarayang raris medal I Naga Basukih. Irika Manik Angkeran nunas tulung mangda kaicen jinah angen naur utang ring i mlandang tajen. I Naga Basukih eling masawitra teken ajine, raris malikang angga ngamedalang jinah, manik lan sasocan. Manik Angkeran ngambil jinah, manik lan sasocan