Istilah-istilah drama dalam bahasa sunda

Dina drama aya sababaraha istilah anu oge eta istilah teh mangrupakeun ciri-ciri tina hiji drama. Istilah anu paling disebut-sebut dina drama nyaeta paguneman. Paguneman nyaeta kagiatan ngobrol atawa ngawangkomh dua arah, silih tempas, palakuna dua urang atawa leuwih, kalimah nu digunakeun dina paguneman nyaeta mangrupa kalimah langsung. Kusabab paguneman ngagunakeun kalimah langsung, paguneman pas pisan digunakeun pikeun nulis naskah drama.

Istilah lianna nu aya dina drama nyaeta saperti adegan, babak, prolog, epilog, dialog jeung monolog. Dina hiji drama bisa miboga leuwih ti hiji babak, dina hiji babak bisa miboga leuwih ti hiji adegan. Prolog nyaeta penjelasan samemeh drama dimimitian, eusina mangrupa katerangan ngeunaan lalakon anu rek dipagelarkeun. Dialog magrupakeun obrolan atawa sok disebut oge guneman antara palaku nu aya dina hiji drama. Epilog nyaeta penjelasan pamungkas anu aya dina drama, eusina biasana mangrupa kacindekan lalakon jeung nasehat pangarang carita drama. Monolog hartina nyaeta nyarita sorangan.