Wangsulan

>> Tuladha 1 (Tema : Lingkungan) :

1. Ibu : "Ndhuk, apa kowe wis ngresiki kamarmu dina iki?"
2. Rani : "Mboten, dereng, Bu."
3. Ibu : "Kapan kowe arep ngresiki kamarmu, Ndhuk?"
4. Rani : "Mangke siyang, Bu. Sasampunipun maem."
5. Ibu : "Lha ibu ndhawuhi kowe supaya ngresiki kamar dhisik, ta?"
6. Rani : "Inggih, bu. Kula enggal ngresekaken kamar kula."
7. Ibu : "Nah, lak yo ngono. Yen kamarmu resik bakale kepenak disawang. Lingkungane dadi endah sumilir kena angin penak kanggo turu."
8. Rani : "Nggih, Bu, ngapunten menawi kula sering mboten manut."
9. Ibu : "Iya, Ndhuk. Wis saiki diresiki dhisik kamarmu, aja lali di sapu yen reget, terus di ikrak supaya ora dadi lingkungan penyakit."
10. Rani : "Inggih, Bu. Menawi sampun bibar lajeng nindakaken punapa?"
11. Ibu : "Yen wis rampung gek adus, Ndhuk. Sawise adus banjur maem."
12. Rani : "Nggih Bu."

>> Tuladha 2 (Tema : Hemat Energi) :

1. Pak Waluyo : “Le, apa awakmu ora repot?"
2. Bima : “Mboten Pak, wonten dhawuh ”
3. Pak Waluyo : ”Mengko sore, nyuwun dhuwit ibumu ya.”
4. Bima : “Kangge napa pak?"
5. Pak Waluyo : "Kanggo tuku lampu, amarga lampu pawon karo pasinaon pedhot."
6. Bima : “Bu, kula dipun utus bapak nyuwun arta .”
7. Ibu : “Kanggo apa, Le?”
8. Bima : “Ngendikanipun bapak lampunipun pedhot.”
9. Ibu : “Ya bener Le, tumbasa sing LED ya!”
10. Bima : “Kenging napa kedah LED bu?”
11. Ibu : “Amarga sak liyane padhang, uga bisa ngirit setrum, supaya ora bola-bali tuku lampu.”
12. Bima : “Oo mekaten. dados kita saget hemat energi nggih bu?”
13. Ibu : “Ya, saiki mangkata tuku supaya ora kewengen. Mengko dipasang pisan ya!”
14. Bima : “Inggih Bu...”

Penjelasan

Pacelathon tegese padha karo percakapan utawa dialog ing basa Indonesia. Pacelathon tegese rembugan antarane wong loro utawa luwih ngenani sawijining bab.

• Titikan/Ciri-ciri teks pacelathon :

1) katulis kanthi wujud dhialog (imbal wacana)

2) nggunakake ukara kandha

3) isine pangajak lan panerang

4) cacahing paraga loro utawa luwih

5) nggunakake ukara cekak aos

6) perangan ing sisih kiwa isine jeneng/wong kang lagi omongan

7) perangan ing sisih tengen isine omongane sing diandharake

» DETAIL JAWABAN «

Mapel : Bahasa Jawa

Kelas : 7

Materi : Piwulang

Kata Kunci : Gawe pacelathon

Kode Soal : 13

Kode Kategorisasi : 7.13

-----------------------------

Semoga membantu.