Déwi Sartika dilahirkeun di Bandung, kaping 4 Désember 1884, inohong sunda dina widang atikan jeung kabinangkitan kaom istri. Diaku salaku pahlawan nasional ku pamaréntah Républik Indonesia (RI) dina taun 1966.Déwi Sartika dilahirkeun ti kulawarga ménak Sunda, ramana Radén Somanagara sedengkeun ibuna nya éta Nyi Radén Rajapérmas. Najan ngarempak adat kabaheulaan, ramana keukeuh nyakolakeun Déwi Sartika, malah sakolana ogé ka Walanda sagala. Sapupusna ramana, Déwi Sartika dirorok ku Uwana (lanceuk ibuna), nu jeneng patih di Cicaléngka. Ti Uwana anjeunna meunang atikan kasundaan, sedengkeun wawasan kabudayaan Kulon beunang pangwuruk istri Asistén Résidén.Ti leuleutik, Déwi Sartika geus némbongkeun bakat pangatik jeung kakeyeng kana kamajuan. Bari ulin di pipir gedong kapatihan, anjeunna sok sasakolaan, ngajar baca nulis, malah ngajarkeun basa walanda, ka barudak anak babu, juru masak, jongos, kusir, jeung pangebon kapatihan. Minangka borna, nya éta papan bilik kandang karéta, nulisna make areng.1. Inohong Sunda dina widang atikan jeung kabinangkitan kaom istri. Harti kecap inohong ....
a. istri
b. pahlawan
c. tokoh
d. ménak
e. widang
2. Déwi Sartika dilahirkeun ti kulawarga ménak Sunda. Ménak sasaruaannana jeung ...
a. ningrat
b. cacah
c. biasa
d. patani
e. dalem
3. Saha ari bapana Déwi sartika téh ....
a. Radén Agah Suriawinata
b. Radén Somanagara
c. Radén Yudistira
d. Radén Surawisésa
e. Radén Rajapermas
4. Ti saha Déwi sartika meunang atikan kasundaannana ...
a. ti Ramana
b. ti Ibuna
c. ti Lanceukna
d. ti Emangna
e. ti Uwana
5. Diaku salaku Pahlawan Nasional dina waktu ...
a. panjajahan
b. kamerdékaan
c. Orde Lama
d. Orde Baru
e. réformasi​