Jawaban:

Purwakanthi kaperang dadi 3 werna, yaiku :

1) Purwakanthi guru swara :

Runtuting swara perangan kang ngarep utawa tibaning swara perangan kang buri.

Tuladha :

• guru iku digugu lan ditiru.
• yitna yuwana lena kena.
• bocah telu kabeh ayu nganggo klambi biru roke wungu watake lugu ming ngguya-ngguyu ora tau saru.

2) Purwakanthi guru sastra

Padhaning sastra (konsonan) perangan kang ngarep utawa perangan kang buri.

Tuladha :

• bibit bobot bebet = kang dibaleni aksara b, lan t, lan liya liyane.
• sluman slumun slamet = kang padha utawa dibaleni aksara s, l, lan m.
• Kala kula kelas kalih kula kelangan kalung kolang kaling = kang padha utawa dibaleni aksara k lan I.

3) Purwakanthi guru basa/lumaksita

Padhaning tembung/basa perangan kang ngarep karo perangan kang buri.

Tuladha :

• Yen dadi siswa, dadia siswa kang utama.
• Iki putrane Pak Wisnu, putra sing kakung, putra sing nomer telu.

Penjelasan :

Purwakanthi yaiku runtuting swara, sastra, tembung, utawa peranganing tembung kang ngarep utawa perangan buri.