Jawaban:

Parikan

Parikan yaiku unen-unen kang migunakake wewaton kanggo mathuk.

Parikan ana 2 cacahane, yaiku:

1. Kadadean saka 2 ukara/gatra

2. Kadadean saka 4 ukara/gatra

Dene titikane parikan yaiku:

a. Kedadean saka 2 gatra utawa 4 gatra.

b. Ana bagian sing diarani kebuka (ora ana tegese) ana sing diarani isine

c. Amigunakake purwakanthi guru swara.

Cacahing wanda saben saukara werna-werna (4/4,8/8)

Geguritan

Geguritan iku pada karo puisi. Ana sing diarani geguritan gagrak lawas (pangkur, Dhandang gula, Sinom, lsp).

Ana sing diarani gagrak anyar (sing prasaja).

Tuladha

Kembang Mawar

Kembang, kembang mawar

Daktandur ing tengah latar

Saben esuk daksirami

Gandane arum wangi

Kembang, kembang mawar

Kuncupe wis pada mekar

Ambang mbranang sumringah

Atiku dadi bungah

Panyandra

Panyandra yaiku tetembungan utawa ukara gumanthuk (ajeg panggonane) kanggo ing gambar utawa warna perangane awak, salah bawa utawa kahanan sarana pepindhan sing becik, apik.

Tuladha

~ Lakune kaya macan luwe

~ Rambute ngandhan-andhan

~ Irunge ngudhup mlati

~ Mripate mblalak-mblalak

~ Lembahane mlorok sempal

~ Solahe merah ati

Panyendhu

Panyendhu yaiku unen-unen kang gumathuk ora ngemu rasa pepindhan kanggo nelakake rasa ora seneng utawa ora cocog ing ati ing babagan awak, solah bawa, muna muni lan kahanan (sing kurang becik).

Tuladha

~ Bathuke manyul, nonong

~ Cangkeme nyoro, mecucu, mlongo

~ Drijine bujel, kithing, siwil

~ Irunge pesek, gruwung, nyeprok

~ Ilate cedal

Purwakanthi

Purwakanthi yaiku swara utawa sastra kang buri karo swara utawa satra kang wis kasebut ing perangan ngarep.

Purwakanthi kaperang dadi telung werna, yaiku :

1. Purwakanthi guru swara

Tuladha :

~ Ati karep, bandha cepet

~ Inggah inggih nanging ora kepanggih

2. Purwakanthi guru sastra

Tuladha :

~ Sluman slumun slamet

~ Bibit, bebet, bobot

3. Purwakanthi lumaksita

Tuladha :

~ Withing tresnane mung samentara

~ Nandhang lara, larane mung lara lapa