Wangsulan

1. (...) Iwak lumebu wuwu.

➡️ f. Wong kena apus kanthi gampang.

2. (....) Kaya banyu karo lenga.

➡️ h. Wong kang ora bisa rukun.

3. (....) Gajah ngidak rapah.

➡️ a. Wong kang nerjang wewalere dhewe.

4. (....) Njunjung ngentebake.

➡️ g. Ngalembana nanging duwe niyat ngasorake.

5. (....) Welas tanpa alis.

➡️ b. Karepe welas malah gawe kapitunan.

6. (....) Tumbak cucukan.

➡️ j. Wong sing seneng adu-adu.

7. (...) Sumur lumaku tinimba.

➡️ d. Wong sing kumudu-kudu dijaluki piwulang.

8. (....) Ora ana banyu mili mandhuwur.

➡️ i. Watake anak biasane niru wong tuwane.

9. (....) Ngajari bebek nglangi.

➡️ e. Pagawean sing ora ana paedahe.

10.(....) Kebo nusu gudel.

➡️ c. Wong tuwa njaluk warah wong enom.

Penjelasan

☞ Paribasan

» Unen-unen sing ajeg panganggone, ngemu surasa wantah.

—☆ Tuladha :

1. Kebat kliwat, gancang pincang.

✧Tegese : tumindak kanthi kesusu, asile ora bakal maremake.

2. Anak polah bapak kepradhah.

✧Tegese : tingkah polahe anak dadi tanggung jawabe wong tuwane.

☞ Bebasan

» Unen-unen sing ajeg panganggone, duwe teges pepindhan, sing dipindhakake utawa dibandhingake kahanan lan ulah-kridhane manungsa.

—☆ Tuladha :

1. Nglungguhi klasa gumelar.

✧Tegese : mung kari nemu penake.

2. Suduk gunting tatu loro

✧Tegese : tumindak ora bener pisan, njalari kapitunan (kerugian) rong werna.

☞ Saloka

» Unen-unen sing ajeg panganggone, duwe teges pepindhan, sing dipindhakake utawa dibandhingake wonge.

—☆ Tuladha :

1. Asu belang kalung wang.

✧Tegese : wong asor nanging sugih bandha donya.

2. Cebol nggayuh lintang.

✧Tegese : wong mlarat nduwe gegayuhan (kekarepan) sing mokal kasembadan.

» DETAIL JAWABAN «

Mapel : Bahasa Jawa

Kelas : 8

Materi : Piwulang 2 - Budaya

Kata Kunci : Paribasan, Bebasan, Saloka lan tegese

Kode Soal : 13

Kode Kategorisasi : 8.13.2

-----------------------------

Semoga membantu.