Penggalan teks tembang pangkur nuduhake (menunjukkan), banjur udharana tembung garba asale tembung kaya ing tuladha:Nggugu karsane priyangga Nora nganggo peparah lamun angling Lumuh ingaran balilu Uger guru aleman Nanging janma ingkang wus waspadeng semu Sinamun samudana Sesadoning adu manis Si pengung nora nglegewa Sangsayarda denira cacariwis Ngandhar-andhar angendukur Kandhane nora kaprah Saya elok alangka longkangipun Si wasis waskitha ngalah Ngalingi marang sipingging. Mangkono ilmu kang nyata Sanyatane mung we reseping ati Bungah ingaran cubluk Sukeng tyas yen den ina Nora kaya si punggung anggung gumunggung Ugungan sadina dina Aja mangkono wong urip Kekerane ngelmu karang Kakarangan saking bangsaning gaib Iku boreh paminipun Tan rumasuk ing jasad Amung aneng sajabaning daging kulup Yen kapengkok pancabaya Ubayane mbalenjani. Sapantuk wahyuning Allah Gya dumilah mangulah ngelmu bangkit Bangkit mikat reh mangukut Kukutaning Jiwangga Yen mangkono kena sinebut wong sepuh Liring sepuh sepi hawa Awas roroning ngatunggil.​