Jawaban dan Pembahasan

☞ Paribasan

» Unen-unen sing ajeg panganggone, ngemu surasa wantah.

—☆ Tuladha :

1. Kebat kliwat, gancang pincang.

✧Tegese : tumindak kanthi kesusu, asile ora bakal maremake.

2. Anak polah bapak kepradhah.

✧Tegese : tingkah polahe anak dadi tanggung jawabe wong tuwane.

3. Adigang, adigung, adiguna.

✧Tegese : ngendhalekake kekuwatane, keluhurane, lan kepinterane.

4. Yitna yuwana lena kena.

✧Tegese : sing ngati-ati bakal slamet, sing sembrana bakal cilaka.

5. Sadumuk bathuk sanyari bumi ditohi pati.

✧Tegese : prakara ngenani wanita utawa lemah, dilabuhi tekane pati.

☞ Bebasan

» Unen-unen sing ajeg panganggone, duwe teges pepindhan, sing dipindhakake utawa dibandhingake kahanan lan ulah-kridhane manungsa.

—☆ Tuladha :

1. Nglungguhi klasa gumelar.

✧Tegese : mung kari nemu penake.

2. Suduk gunting tatu loro

✧Tegese : tumindak ora bener pisan, njalari kapitunan (kerugian) rong werna.

3. Nututi layangan pedhot.

✧Tegese : mburu barang sepele sing asile ora sumbut karo rekasane.

4. Ngalasake negara.

✧Tegese : wong kang ora manut tatanan.

5. Ngubak-ubak banyu bening.

✧Tegese : gawe rusuh ing panggonan kang wis tentrem.

☞ Saloka

» Unen-unen sing ajeg panganggone, duwe teges pepindhan, sing dipindhakake utawa dibandhingake wonge.

—☆ Tuladha :

1. Asu belang kalung wang.

✧Tegese : wong asor nanging sugih bandha donya.

2. Cebol nggayuh lintang.

✧Tegese : wong mlarat nduwe gegayuhan (kekarepan) sing mokal kasembadan.

3. Kacang ora ninggal lanjaran.

✧Tegese : sipate anak ora beda adoh karo sipate wong tuwa.

4. Kemladheyan ngajak sempal.

✧Tegese : wong mondhok ngajak marang rusak.

5. Bathok bolu isi madu.

✧Tegese : wong asor nanging sugih kapinteran.

» DETAIL JAWABAN «

Mapel : Bahasa Jawa

Kelas : 7

Materi : Piwulang

Kata Kunci : Paribasan, Bebasan, Saloka

Kode Soal : 13

Kode Kategorisasi : 7.13

-----------------------------

Semoga membantu.