Ing sawijining dina nalikane lagi angon sapi lan bebek sawise mulih sekolah, Dimas lan Arya ngaso ana ing cakruk etan omahe Bayu. Bocah loro mau padha gegojegan. Dimas : "Arya, ayo cangkriman!" Arya : “Ayo, Dim. Pinter aku nek babagan ngono kuwi!" Dimas : "Awake ijo, sirahe abang, mlakune mundhur. Apa kuwi?" Arya : "Walah kok angel men to, Dim." Dimas : "Halah wis ora usah alesan. Apa bathangane?" Arya : "Oh, aku ngerti. Obat nyamuk ya!" Dimas : "Wah pinter tenan kowe". Arya : "Saiki giliranku, ya. Pak bomba pak lawa pak piut. Apa kuwi?" Dimas : "Pak bomba pak lawa pak piut. Tapak kebo amba, tapak ula dawa, tapak sapi ciut. Saiki giliranku genten, ya!" Arya : "Iya saiki giliranmu. Aku wis siap iki!" Dimas : "Bakul sate dibakari. Piye batangane?" Arya : "lyo lah. Wong sing dibakar iku satene!" Bocah loro mau banjur ngguyu bebarengan. Amarga wis wayah sore, Dimas lan Arya banjur mulih menyang omahe dhewe-dhewe. 1. Sebutna paraga sing ana ing pacelathon ing dhuwur! Wangsulan: ..... .​