Naon hartina “Ka cai jadi saleuwi, ka darat jadi salebak”?

Hartina nyaéta hirup babarengan sauyunan.

Pembahasan

Pakeman basa téh dina basa Indonésia disebutna ungkapan kata atawa idiom. Kecap "pakeman" (basa Walanda vakum hartina 'matok' atawa 'angger'). Pakeman basa nuduhkeun ungkara basa anu angger atawa geus matok. Ilaharna pakeman basa teh mangrupa kalimah atawa gundukan kecap anu geus dipatok, geus ditaker diwatesanan, teu meunang dirobah, boh dirobah unina atawa éjahanana, boh dirobah tempatna atawa dilemeskeun.

Jadi, nu dimaksud pakeman basa téh nyaéta nyaéta ungkara basa anu husus tur mandiri, winangun kalimah atawa gundukan kecap anu geus matok, geus ditaker diwatesanan, teu meunang dirobah, boh dirobah unina atawa éjahanana, boh dirobah tempatna atawa dilemeskeun. Harti nu dikandungna mangrupa harti injeuman atawa siloka lakuning hirup manusa, anu teu bisa dihartikeun sajalantrahna nurutkeun harti tata basa atawa harti nu dikandung ku unsur-unsurna.

Salah sahiji jinis pakeman basa téh nyaéta paribasa. Paribasa nyaéta ungkara basa winangun kalimah anu ngandung harti babandingan minangka siloka lakuning hirup manusa. Eusi paribasa bisa mangrupa wawaran luang, pangjurung laku alus, jeung panyaram lampah salah.

Conto paribasa:

• Ka cai jadi saleuwi, ka darat jadi salebak = Hirup sauyunan, babarengan.
• Gindi pikir belang bayang = Goréng haté, resep nyilakakeun batur.
• Kandel kulit beungeut = Teu boga kaéra.

Pelajari Lebih Lanjut

• Matéri soal ngeunaan paribasa: yomemimo.com/tugas/46687295
• Matéri soal ngeunaan paribasa: yomemimo.com/tugas/46626216
• Matéri ngeunaan pakeman basa: yomemimo.com/tugas/27585997

Detail Jawaban

Mapel: Basa Sunda

Kelas: 9

Bab: Bab 4 - Pakeman Basa

Kode kategorisasi: 9.13.4