Kecap-kecap saperti tutulung, tulung tulung, tulang tulung, babalik, bebedil, bedil bedil, bedal bedil teh mangrupakeun kecap-kecap anu disebut kecap rajekan. Anu dimaksud Kecap rajekan teh nyaeta kecap anu disebut dua kali atawa dirajek engangna atawa wangun dasarna. Di handap ieu nyaeta conto kalimah anu ngagunakeun kecap rajekan nu disebutkeun di luhur :  

1. tutulung, Urang sarerea wajib tutulung ka anu butuh  

2. tulung tulung, Ti kajauhan hawar-hawar kadenge aya jelema anu ngagorowok "Tulung tulung!" menta tulung

3. tulang tulung, Jang Amir mah karesepna teh tulang tulung ka batur, jadi hirupna teh kacirina tengrem

4. babalik, Jang Dedi ayeuna mah geus gede, geus babalik pikir, kalakuanna ayeuna mah matak pikaresepeun sarerea  

5. bebedil, Ari ulin ka leuweung teh uah sok ngan bebedil wae, sakali-kali mah reureuh heula atuh

6. bedil bedil, Bedil bedil nu aya di gudang teh sanajan kacirina aralus keneh, sihoreng geus teu bisa dipake

7. bedal bedil, Jang Cepi mah ari ka leuweung teh pagaweanna ngan bedal bedil wae  

Kecap rajekan teh salian ti dirajek boh engangna boh wangun dasarna, aya oge kecap rajekan anu ditambahan ku rarangken, boh ditambahan ku rarangken hareup boh ditambahan ku rarangken tukang. Aya sawatara rupa kecap rajekan, nyaeta anu disebut Kecap Rajekan Dwipurwa, Kecap Rajekan Dwimadya, Kecap Rajekan Dwilingga, sarta Kecap Rajekan Trilingga.

Kategori Soal : Bahasa Sunda

Kelas : - (SD)

Kata Kunci : Kecap rajekan