Wacanen pawarta ing ngisor iki kanthi patitis!Upacara Wiwitan
Kanggone kadang tani ing karang padesan, upacara wiwit wis dudu barang anyar
Kawit jaman biyen tradhisi wiwit wis katindakake. Kanggone masyarakat Dusun V Krembangan
Panjatan Kulon Progo saben taun mesthi ngadhakake upacara iki
. Mangkono Bawa miwiti critane
Sabanjure Bawa njlentrehake manawa upacara wiwit iku katindakake sakdurunge panen
pari. Katindakake wayah esuk ing sawah sing arep diwiwiti panen Wong-wong ing desakono padha
ngumpul, padha nggawa ubarampe kayata tumpeng lan sega golong komplit saklawuhe Sing kanggo
lawuhan jangan kluwih, gudhangan, pelas, endhog godhog, tempe, tahu, gereh lan liya-liyane.
Ana uga sing nganggo ingkung ayam. Ubarampe mau diganepi nganggo jajan pasar kayata jadah,
lan sawerane who-wohan.
Sakwise didongani dening sesepuh desakono banjur "dhahar kembul". Kajaba kuwi didom-
domke marang sanak kadang kiwa-tengen, dibuntel nganggo godhong jati. Ing kono wong-wong
katon guyub rukun, grapyak sumanak marang siji lan sijine
Tradisi wiwit, satemene minangka srana ngunjukake donga marang Gusti kang Maha Agung
Donga iku minangka bukti rasa syukure kadang tani anggone wis pinaringan asilpanen sing apik
lan akeh
Wangsulana pitakon-pitakon ing ngisor iki manut isine wacan ing lembar jawab kang wis
cumawis!
1. Apa irah-irahane wacan ing dhuwur?
2. Kapan upacara tradhisi wiwitan dilaksanakake?
3. Ana ing ngendi upacara tradhisi wiwitan katindakake?
4. Apa ubarampe kang kudu dicepakake nalika ngumpuling upacara tradhisi wiwitan?
5. Apa tujuan dianakake upacara tradishi wiwitan?​