Wacanen kang patitis! Arep Lunga Narti : “Ibu punapa siyos tindak sapunika?” (karo nyedhaki ibune sing lagi setrika).Ibu : “Ya, durung ta, Nar, iki isih ngenteni Bapakmu.”Narti : “Bapak kala wau tindak pundi ta, Bu, ngantos yah manten kok dereng rawuh?” Ibu : “Ngendikane mau neng daleme Pak RT, nanging kok ya suwe men!”Bapak : “Assalamu’alaikum, walah-walah wis padha ganti klambi ta iki!” (mlaku karo nyopot helm tumuju ibu lan Narti).Nanang : “Ya Alla, Bapak, dirasani ibu karo mbak Narti kok ya mara kondur!” (melu-melu marani ibu).Bapak : “Iya sepurane, iki mau ndadak ngrembug rapat RT kanggo sesuk barang, mulane dadi suwe! Hlo … Narti kok durung salin klambi?” (karo nyekel pundhak anak wadone).Narti : “Kula kesah mangke mawon, niki taksih ngrantos Mas Narno!” Bapak : “Dadi Masmu sida bali mulih ta saiki!”Narti : “Inggih, kala wau sampun wangsul, nanging taksih ngeteraken layang titipan dhateng tiyang sepahing rencangipun.”Bapak : “Sik dakpanasane sedhela mobile, mengko ibu lan Nanang ndang nyusul.” (ninggalake ruwang setrikan tumuju garasi).Nanang : “Iya-iya, wis ayo, Bu, gek ndang nututi Bapak. Mas Narno karo Mbak Narti ditinggal wae, ben numpak bis!” (ninggalake ibu lan Narti tumuju garasi nututi bapake). Bapake Narti lan Nanang ora enggal kondur amarga isih …. *a.ngrembug rapat RT
b.setrika klambi
c.ngenteni Mas Narno
d.manasi mobil
​