Jawaban:

Hiji kecap bisa ngandung harti saujratna jeung harti injeuman. Harti saujratna sok disebut oge harti denotatif. Sedengkeun harti injeuman sok disebut oge harti konotatif. Di handap ieu nyaeta conto kalimah anu ngandung harti saujratna jeung harti injeuman tina sawatara kecap :

A. Harti Saujratna

1. amplop, Ari mere duit teh kudu make amplop atuh ambeh kacirina sopan

2. seuseut, Eta engsel panto teh seuseut kitu, sugan kudu dibere minyak

3. luhur, Kuring mah lamun nangtung di tempat anu luhur teung teh sok palalaur

4. jero, Nyieun sumur teh kudu sing jero atuh ambeh caina loba

5. panas, Poe ieu mah hawa teh asa teu panas teuing, teu siga kamari

6. nyogok, Ari di jero imah mah eta payung teh ulah dibuka bisi nyogok kana panon batur

7. lemah, Udin teh can bisa ka sakola, cenah masih lemah keneh kakara maju ka cageur

8. hipu, Nyeupan hui teh kudu rada lila atuh supaya didaharna ngeunah jeung hipu

9. panas, Eta budak ulah nangtung deukeut kompor, bisi panas

10. hejo, Kuring teh asa teu wani ari kudu make calana panjang warna hejo mah

B. Harti Injeuman

1. amplop, Jaman kiwari mah sagala urusan teh bisa gancang beres teu kudu make mere amplop sagala

2. seuseut, Sanggeus ketua RW na diganti, ayeuna mah rek ngayakaeun acara teh sok seuseut duitna

3. luhur, Si eta mah jalmana sok rada luhur, ka babaturan teh sok pipilih

4. jero, Ari mikirkeun masalah teh ulah sok jero teuing, bisi gering

5. panas, Di taun politik ieu mah suasanana teh asa leuwih panas ti batan taun kamari

6. nyogok, Ayeuna mah nyieun KTP teh teu kudu make nyogok sagala

7. lemah, Kusabab pamaen tukang na lemah pisan, eta gawang teh jadi sering kaasupan bal

8. hipu, Pikeun kasabelasan Inggris mah ngalawan Amerika Sarikat teh hipu pisan

9. panas, Hate manehna sok sering panas lamun nempo tatangga beubeulian teh

10. hejo, Tuh da maneh mah ari nempo duit teh sok hejo.