TUKANG KAWILWat meghanai sikop, ghasanni unggal ghani ngawil. Ia tepik pesai di sapu ghedik batangaghi. Selain ngawil, meghanai iji nanom putti. Akkit putti ina dijualni mit pasagh dibelikoni kambing. Suatu ketika, meghanai iji ngipi. Lom ngipini, lamun ia ngawil baka uppan balak, hasilmi balak munih. Meghanai iji laju minjak mikeghko ghetti ngipi ina. Tigoh pagi ia mak dacok pedom. Anjak pagi meghanai ija kak minjak. Ia lapah ngakuk kambing sai appai dibelini bijo. Kambing ina diusungni aguk batangaghi, dibeghokkoni tigoh mati. Kambing sai kak mati sina dijadikoni uppan ngawil. Kawil sai dipakai meghanai iji balak, benangni kelak. Kelak ina diikokkoni di batang bungui. Kak telu bingi telu ghani kawil sina tetajogh, kidang unggal dilanggaini mak ngedok api-api, selain anjak bakkai kambing. Kidang ia yakin nihan jama ngipini. Ghani sai keepak, meghanai iji lapah luwot ngelangai kawilni. Diliyakni kawilni kecong temon. Batang bungui pok diikokko kawil ina beguyang-guyang.wattu ditaghikni, ghupani isi kawil sina Cuma putti matah setundun. Putti sina dibatokni mulang, dipikkoni ghidik tukku. Ia yakin bahwa putti sina lain putti biasa. Gegoh biasani, meghanai iji anjak pagi kak lapah ngawil, dibi appai ia mulang. Tigoh di mahhan, diliyakni diunggak mija kak wat bemacom-macom kanikan. Ia highan. Telittas dipikeghanni bahwa kanikan sina pengejuk puwaghini sai temotati jamaia. Seghadu ina, ia bejajak luwot mulang aguk mahhan. Tigoh dimahhan, diliyakni muli jeno pagun wat di san. Muli sina temegi kebingungan ngunut bawak putti pok asalni. Ketika sina munih, tukang kawil iji laju ngejelasko bahwa bawak putti ina kak dicamboghkoni di batangaghi, Mittagh anjak san, muli jeno laju netop di mahan meghanai tukang kawil. Aghighni, tiyan ghua nnikah

tolong artikan ke bahasa Indonesia​